Ethiopian Radation Protection Authority Ethiopian Radation Protection Authority

የጨረራ ውስድ መጠን ለማስለካት የጨረራ ውስድ መጠን ለማስለካት

የድርጅቱ ስም፡ ዶዚሜድ የላብራቶሪ ፍተሻ

(የጨረራ ውስድ መጠን መለኪያ)

ስልክ ቁጥር፡- 0116900239/011878154

ሞባይል፡- 0961279384/85

ኢ-ሜይል፡- dosimedaddis@gmail.com

የቢሮ አድራሻ፡- 22 ማዞሪያ ጎላጎል ሕንፃ

              11ኛ ፎቅ

              ቢ.ቁ 1103

 

Organization: Dosi med Laboratory test

Address: 0116900239/011878154

Mobile: 0961279384/85

Email: dosimedaddis@gmail.com

Office: 22 Mazoriya Golagol 

             Building 11th Floor

            Office No. 1103  

ERPA's Proclamation ERPA's Proclamation

Ethiopian Radiation Protection Authority Proclamation No 1025/2017

Click here to download ERPA's Proclamation NO. 1025/2017

 

Ethiopian Radiation Protection Authority Page Ethiopian Radiation Protection Authority Page

Inspection

Conducting Inspection based on: Regular inspection Programme and, Request from the customer,Verification Inspection, Inspection based on past profile of the institution.

Enforcement

Possible actions for non-compliance: Formal instructions assured and correct the infraction, Written warning for non – compliance, Suspension of or restrictions on, operation until regulatory infraction or safety condition is corrected.

Organizational structure of ERPA

The solid organazational structural unit of ERPA. ERPA is a Federal Government body that control and regulate the import,export, use, transport, dispose of, etc any source of radiation.

ERPA Photo Display ERPA Photo Display

lll
IRRS Mission In Ethiopia 2017
Metting
Discussion
Actual Evaluation at Tse Tse Fly
Women's Day celebration
MOU Signing with Haromaya University
MOU Signing with Diredawa University
MOU Signing with SUDAN
MOU Signing with SUDAN
Discussion with the US. Nuclear Regulatory Commission, in Ethiopia Addis Ababa
MOU Signing with USNRC
IAEA 63rd General Conference at Vienna, Austria

Asset Publisher Asset Publisher

Back

የጨረራ ጠቀሜታዎች

 

ጨረራ በአይን የማይታይ በሞገድ ወይም በልዩ ልዩ ቅንጣጢቶች መልክ ከቦታ ቦታ የሚጓዝ ሃይል ነው፡፡ ጨረራ በተፈጥሮና በሰው ሰራሽ መንገድ ልናገኘው እንችላለን፡፡

በዛሬው ጽሁፍ የሰው ሰራሽ ጨረራን ጠቀሜታን ለማስተዋወቅ እንሞክራለን፡፡ ጨረራ በአለማችን ላይ ከፍተኛ ጠቀሜታ ያለው ቴክኖሎጅ ከመሆኑ የተነሳ የአገራት የታላቅነት ሚስጢር እስከመሆን ደርሷል፡፡ ለዚህም የአሜሪካ ፣ ሩሲያ ፣ ቻይና ፣ ሰሜን ኮሪያን ነባራዊ ሁነታ ማየት እንችላለን፡፡ ሀገራቱ የሚፈሩትና የሚከበሩበት ዋነኛው ሚስጢር የኑክሌር ሃይል አቅማቸው ከፍተኛ በመሆኑ ነው፡፡

 
    
ጨረራ በርካታ ሰላማዊ ጥቅሞችን የሚሰጥ ሲሆን ለጥፋት መሳሪያነትም ከተጠቀሙበት አደጋው የከፋ ብቻ ሳይሆን ከትውልድ ትውልድ የሚሻገር መሆኑንም እንመለከታለን ፡፡ ለአብነት በአንድ ወቅት አሜሪካ በጃፓን ሄሮሺማና ነጋሳኪ ያደረሰችው ጥፋት እስከ ዛሬ ድረስ በአካባቢና በትውልዱ ላይ ጠባሳው አልጠፋም፡፡ ምንም እንኳን ጨረራን ለጦር መሳሪያነት መጠቀም ለማገድና ለመቆጣጠር እንደ አለም አቀፉ አቶሚክ ኢነርጅ ኤጀንሲ ያሉት ተቋማት ብዙ እየሰሩ ቢሆንም የኑክሌር የጦር መሳሪያን ብዙ ሀያላን ሀገራት ታጥቀውት ይገኛሉ፡፡ የዛሬው ጽሁፍ አላማ የጨረራን ሰላማዊ ጠቀሜታ መዳሰስ ሲሆን የጨረራን ጠቀሜታ ለየት የሚያረገው ጨረራ የማይዳስሰው ዘርፍ አለመኖሩ ነው፡፡ ይህንን እውነታ በተግባር ለማሳየት የተወሰኑትን ጠቀሜታዎች ማንሳቱ አስፈላጊ ይሆናል፡፡

 
    
ለኤሌክትሪክ ሃይል አማራጭነት፡- ጨረራ ለኤሌክትሪክ ሃይል አማራጭነት ያለው ድርሻ የጎላ ነው፡፡ ምንም እንኳን በዚህ ዘርፍ አፍሪካ እንደ አህጉር ተጠቃሚነቷ ብዙ የሚባልበት ባይሆንም ሌሎች አህጉራት በተለይ ያደጉት አገራት የኑክሌር ሃይል ማብላያ ጣብያ በመገንባት ከፍተኛ የኑክሌር ሃይል በማምረት አስተማማኝ የሃይል አቅርቦት እያገኙ ያገኛሉ፡፡ ዛሬ በአለማችን ላይ ከ442 የኑክሌር ማብላያ ጣቢያዎች 383,513 ሜጋ ዋት የተጣራ የኤሌክትሪክ ሃይል በመመረት ላይ ሲሆን በቀላል ስሌት አንድ ኑክሌር ማብላያ ጣቢያ በአማካኝ 868 ሜጋ ዋት የኤሌክትሪክ ሃይል ያመርታል ማለት ነው፡፡ የኑክሌር ማብላያ ጣቢያ ስርጭትን ስንመለከት አሜሪካ 99 ፣ ፈረንሳይ 58 ፣ ጃፓን 43 ፣ ሩሲያ 35 ፣ ቻይና 31 እና ኮሪያ 25 በመያዝ ከፍተኛ ቁጥር ካላቸው የሚጠቀሱ ሲሆን ከአፍሪካ ደቡብ አፍሪካ 2 የኑክሌር ማብላያ ጣቢያዎች ያላት ብቸኛ ሀገር ናት፡፡

 
    
በሽታን ለመመርመርና ለማከም፡- ዛሬ ዛሬ ያለጨረራ መሳሪያ የህክምና ስራ ማካሄድ የማይቻልበት ደረጃ ላይ የተደረሰ ይመስላል፡፡ በቀላሉ ለመጥቀስ የውስጥ አካል ችግርን ለመለየት ከምንጠቀምበት ራጅ ጀምሮ ሲቲ ስካን፣ ማሞግራፊ፣ ኒውክለር ሜዲሲን፣ ራዲዮቴራፒ፣ ራዲዮአይሶቶፕስ፣ ሪሰርች ሪአክተር የመሳሰሉት ልዩ ልዩ የጤና እክሎችን፣ ካንሰርንና መሰል ችግሮችን ለመለየትና ለማከም የጨረራ ቴክኖሎጅ በህክምና ዘርፍ ዘርፈ ብዙ አገልግሎት እየሰጠ ይገኛል፡፡

 
    
የምርት ጥራትን ለመፈተሸና ለመቆጣጠር፡- የጨረራ ቴክኖሎጅ በኢንዱስትሪውና በኮንስትራክሽኑ አካባቢ በስፋት ጥቅም ላይ እየዋለ የሚገኝ ሲሆን በዋናነት የምርት ጥራትን ለመፈተሽና ለመቆጣጠር ይጠቅማል፡፡ በመጠጥ ፋብሪካዎች የሚታሸጉ ምርቶች በእኩል ደረጃ እንዲታሸጉ፣ በሲሚንቶ ፋብሪካዎች እንዲሁ የሚደባለቁ ጥሬ ምርቶችን አይነት፣ ይዘትና ጥራት ለመቆጣጠር፣ በመንገድ ስራዎችና በልዩ ልዩ ግዙፍ ግንባታዎች (ህዳሴ ግድብ) የመንገዶችንና ግድቡን እርጥበትና ጥቅጥቃት ወይም ጥራት ለመቆጣጠር የምንጠቀመው ልዩ ልዩ ኑክሌር ጌጆች የጨረራ ቴክኖሎጅዎች ናቸው፡፡

 
    
የግብርና ምርታመነትን ለማሳደግ፡- የጨረራ ቴክኖሎጅ ሌላው በስፋት ጥቅም ላይ እየዋለ የሚገኝበት ዘርፍ የግብርናው መስክ ሲሆን የግብርና ምርትና ምርታማነትን ለማሳደግ ጥቅም ላይ እየዋለ ይገኛል፡፡ በዚህ ዘርፍ ምርጥ ዘርን ለማግኘት በሚደረገው ምርምር፣ የመሬትን ባህሪ ለማጥናትና የውሃና የማዳበሪያ አጠቃቀምን ለማወቅ፣ አላስፈላጊ የቆሻሻ ፍሳሾችን ለማስወገድ፣ የግብርና ምርቶች ሳይበላሹ ለረዥም ጊዜ እንዲቆዩና እንዳይበሰብሱ ለማድረግ፣ ከምግብ እህሎች ጎጅ ነፍሳትን፣ ባክቴሪያዎችንና ማይክሮ ኦርጋኒዝሞችን ለማጥፋት ወዘተ የጨረራ ቴክኖሎጅ ፋይዳው የጎላ ነው፡፡

 
    
ለሳይንስ ትምህርት ምርምርና እድገት፡- የሳይንስ ትምህርት ዘርፍ በኑክሌር ዘርፍ ከፍተኛ የምርምር ስራዎችን ለመስራት የሚረዳው ሪሰርች ሪአክተር የሚባለው የጨረራ መሳሪያ ነው፡፡ ይህ መሳሪያ በኒውትሮን ምርት በህክምናውና በኢንዱስትሪው ዘርፍ ከፍተኛ ፋይዳ ያላቸውን ራዲዮአይሶቶፖች ከማምረት ጀምሮ ዘርፈ ብዙ ጠቀሜታዎችን ለአርኪዮሎጅካልና ጅኦሎጅካል ምርምር፣ ለግብርናው ዘርፍ፣ ለኒውክለር ፊዚክስ፣ ለሜዲካል ፊዚክስ፣ ለኒውክለር ሜዲሲን፣ ለኢንዱስትሪው ዘርፍና ሌሎች በርካታ ጠቀሜታዎችን ይሰጣል፡፡

 
    
ለቴሌኮሙኒኬሽንና መገናኛ ዘርፍ፡- በሁላችን እጅ ያለችው የሞባይል ስልክ በጨረራ ቴክኖሎጅ በመታገዝ የምትሰራ ነች፡፡ የሞባይል ስልክ አዮን የማይፈጥር ጨረራ አይነት ሲሆን ለአለማችን እያበረከተ ያለው አስተዋጽኦ ከፍተኛ ነው፡፡

 
    
ለፍተሻና ደህንነትን ለማረጋገጥ፡- ዛሬ ዛሬ በአለማችን ላይ ትላልቅ ሁነቶች ለምሳሌ እንደ አለም ዋንጫ እና ሌሎች መሰል ሁነቶችን የሚያስተናግዱ ሀገራት ትልቁ ስጋታቸው የሰዎች ደህንነት ነው፡፡ በዚህ ረገድ የጨረራ መፈተሻ መሳሪያዎች በስፋት ጥቅም ላይ እየዋሉ የሚገኙ ሲሆን እነዚህ አደገኛ የጨረራ ቁሶችንና ሌሎች ባእድ ቁሶችን ለመለየት አገልግሎት ጥቅም ላይ እየዋሉ ናቸው፡፡

Average (0 Votes)


No comments yet. Be the first.