መግለጫ

በዚህ ዳይሬክተሪ ስር የገቡ ቴክኖሎጂዎች በተቋሙ 2007 ዓ.ም ሀገር በቀል ቴክኖሎጂ የዳሰሳ ጥናት ወቅት የተሰበሰቡ ናቸው፡፡ የተሰበሰቡትም ከጥቃቅንና አነስተኛ ኢንተርፕራይዞች፣ ከቴ/ሙያ ት/ማ/ተቋማት እና ከግለሰብ የፈጠራ ባለሙያዎች ነው፡፡ ቴክኖሎጂዎቹም ቀድሞ የነበሩ ቴክኖሎጂዎች መሰረት በማድረግ ማሻሻያ የተደረገባቸውና ከውጪ እንዲሁም ሀገር ውሰጥ ከነበሩት የተቀዱ ናቸው፡፡ ዳይሬክተሪው በአጠቃላይ ቴክኖሎጂዎቹ የሚገኙበት አድራሻ፣ ስለ ቴክኖሎጂው አጠቃላይ መረጀና የቴክኖሎጂው ዘርፍ እንዲሁም ፎቶ ይዞል፡፡ የቴክኖሎጂዎቹ ዘርፍ የተቀመጠዉ ቴክኖሎጂዉ ከሚሰጠዉ አገልግሎት አንጻር ነዉ፡፡

Asset Publisher Asset Publisher

ባለ ክንፍ ማረሻ ’’winged plough/sweep’’

ከማረሻው ጋር በማሰሪያ የታሰረ እነደዘሩ አይነት በፈለግነው ስፋት ማረስ የሚያስችለን ተጨማሪ ጥንድ ብረቶች ያሉት ማረሻ ነው፡፡ጤፍ በሚዘራበት ወቅት ማዳበሪያን ከአፈር ጋር በሚገባ ያደባልቃል፡፡

’’Tie-Ridger” ታይ ራይጀር

የተሸሻለ በእንስሳት ጉልበት የሚሳብ በአንድ እጅ ብቻ የሚታረስበት ከማረሻው ጋር የተያያዘ ብረት ያለው ከባህላዊው የኢትዮጵያ ማረሻ ጋር ሲነጻጸር በስድስት እጥፍ ጉልበት የሚቀንስ ማረሻ ነው፡፡

ፓራቦሊክ ሰን ላይት ትራኪንግ

የሙቀት ማከማች ሶላር ፕሌቱ የፀሀይን አቅጣጫ በመከተል ውሃን እስከተፈለገው ሙቀት መጠን ማሞቅ ነው፡፡ የተሰራው ሙሉ ለሙሉ ከብረት ቁርጥራጮች ና ሶላር ብሌቶች በቡለኖች የተያያዘ ሆኖ የተሰራ ነው፡፡ ወጪው ከውጪ ከሚገባው በግማሽ ይቀንሳል፡፡

ብሎኬት መደርደሪያ ማሽን

ሥራው- የተለያየ ቅርፅ የአላቸውን ብሎኬት ማምረትና በቅድም ተከተል መሠረት መደርደር ነው፡፡ የተሰራው ከብረት ሆኖ ከወለሉ ጋር ቋሚና በ90 ድግሪ በደንብ የተተከለ ነው፡፡ ያለ ምንም ጉዳት ብሎኬቶችን በስርዓት ያስቀምጣል፡፡

መፀዳጃ ቋት

ሥራው- በተለያዩ ግንባታዎች ውስጥ ሲተከል ከነበሩ የሽንት ቤትና የመታጠቢያ መሳሪያዎች ያለውን ክብደት በመቀነስ የስርገት ተፅዕኖዎችን የሚካለከል ፋይበር ፕላስቲክ ለሰው መፀዳጃ ምቹና ቀላል ነው፡፡

በውሃ የሚሰራ መበየጃ

ሳላ ትሪች በውሃ የሚሰራ የመበየጃ ማሽን ሲሆን የምግብ ጨው ከውሃ ጋር በማዋሃድ ውህዱን በባልዲ ውስጥ አድርጎ መበየጃው የሚፈለገውን ሀይል እንዲያገኝ በባልዲ ውስጥ በመክተት የሚፈለገውን ብረት መበየድ የስችላል፡፡

እንጨት ማጣበቂያ (wood press)

“Wood press” ለጠረጴዛ፣ በርና ለመሳሰሉት አገልግሎት የሚውሉ እንጨቶችን ለማጣበቅ የሚረዳ የኤሌክትሪክ ሃይል የማያስፈልገው በክሪክና(bottle jar) በማኑዋል የሚሰራ በመጠንም አነስተኛ የሆነ መሳሪያ ነው፡፡

የኩኪስ መጠቅለያ ካርቶን ማምረቻ

ስራው- የኩኪስ ካርቶኖችን ቆራራጦ መጠቅለ እና በሚፈለገው መጠን ለማዘጋጀት ያስችላል፡፡