Asset Publisher Asset Publisher

Content with Technologies Agricultre .

)በአነስተኛ ፈረስ ጉልበት የሚሰራ ትራክተር እና ተቀጣይ ጋሪ

ገለፃ፡-ይህ ትራክተር ከዘመናዊ ትራክተሮች አንፃር ሲታይ አነስተኛ ጉልበት እና ፍጥነት ያለው ቢሆንም በሁለገብነቱ እና በዋጋው ግን አነስተኛ ገቢ ላላቸው ገበሬዎች ተመራጭ ያደርገዋል፡፡ተቀጣይ ጋሪውም እስከ 10 ኩንታል የመጫን አቅም ያለው ነው፡፡

ባለ ክንፍ ማረሻ ’’winged plough/sweep’’

ከማረሻው ጋር በማሰሪያ የታሰረ እነደዘሩ አይነት በፈለግነው ስፋት ማረስ የሚያስችለን ተጨማሪ ጥንድ ብረቶች ያሉት ማረሻ ነው፡፡ጤፍ በሚዘራበት ወቅት ማዳበሪያን ከአፈር ጋር በሚገባ ያደባልቃል፡፡

ዘመናዊ እርፍ እና ሞፈር ከነማረሻው/ገልባጭ ማረሻ

ባህላዊውን የኢትዮጵያን ማረሻ በማሻሻል የተሰራ በእነስሳት ጉልበት የሚሳብ ጉልበትን በመቆጠብ በጥልቀት እና በስፋት ለማረስ የሚያስችል እርፍ እና ሞፈር ያለው ገልባጭ ማረሻው ነው፡፡

ፓፓያ ማውረጃ

ቴክኖሎጂው የተሰራው በባህላዊ መንገድ ፓፓያ ሲወርድ የሚደርስበትን ጉዳት ለመቀነስ ሲሆን የ 3 ሜትር ርዝመት ያለው እና ማውረጃው ሰሀን ከሚመስል ስስ ብረት የተሰራ ነው፡፡በተጨማሪም ማውረጃው በ 2 ሰከንድ ውስጥ ፍራፍሬው ምንም ሳይጎዳ እና ሳይጫር ከዛፉ ላይ ያወርደዋል፡፡

በመርገጫ/ፔዳል የሚንቀሳቀስ የእንሰት መፍጫ/ማድቀቂያ

ይህ ቴክኖሎጂ አብዛኛው ክፍሎቹ ከእንጨት የተሰሩ ሲሆን በቀላሉ በተመሳሳይ መጠን ምቹ በሆነ ሁኔታ እንሰት ይፈጫል፡፡

የእንሰት መፋቂያ

ቴክኖሎጂው በተመጣጣኝ ዋጋ ባህላዊውን የእንሰት አፋፋቅ ዘዴ ምቹ እና ቀላል ለማድረግ ታስቦ የተሰራ ሲሆን ዋና ዋና ክፍሎቹም የመፋቂያ ቦርድ፣ገመድ፣ሲሊንደሪካል ሮድ ፑሊ እና የእግር መርገጫ/ፔዳል ናቸው፡፡በመስክ ላይ የተደረገ የዳሰሳ ጥናት እንደሚያመለክተው ይህ ቴክኖሎጂ ከባህላዊው ጋር ሲነጻጸር በአንድ ሄክታር...

ኤ.አይ.አር.አይ.ሲ-ባኮ የተሸሻለ በቆሎ መፈልፈያ/AIRIC-Bako modified maize sheller

ቴክኖሎጂው በአነስተኛ እናመካከለኛ ደረጃ በቆሎ የሚያመርቱ አርሶ አደሮችን ከግምት በማስገባት የተሰራ ሲሆን መፈለፈያው የመፈልፈል አቅምን በመጨመር ባኮ ትሬሸርን በማሻሻል የተሰራ ነው፡፡

ኦቾሎኒ/ለውዝ መፈልፈያ

ይህ ቴክኖሎጂ በቀላሉ በእጅ በማንቀሳቀስ ኦቾሎኒው ሳይሰባበር ይፈለፍላል፡፡

በሰው ጉልበት የሚንቀሳቀስ/የሚሰራ የበቆሎ መፈልፈያ

ቴክኖሎጂው በአነስተኛ ደረጃ በቆሎ የሚያመርቱ አርሶ አደሮችን ከግምት በማስገባት የተሰራ ሲሆን በፔዳል/መርገጫ እየታገዘ በአንድ ሰው ጉልበት በተሸለ ፍጥነት በቆሎ ይፈለፍላል፡፡

የተሻሻለ አይ.አይ.ቲ.ኤ የተለያዩ አዛዕርት መውቂያ/Modified IITA MULTI Crop thresher

ይህ ቴክኖሎጂ እንደ ቦቆሎ፣ጤፍ እና ስንዴ የመሳሰሉ አዛእርትን በቀላሉ እሰከ 10 የፈረስ ጉልበት በሚሆን የሞተር በመጠቀም ይወቃል፡፡ ቴክኖሎጂው በቀላሉ እዲጓጓዝ እና እንዲንቀሳቀስ ተደርጎ ከነባሩ የተሻሻለ ነው፡፡

የተሻሻለ የተለያዩ አዛዕርት መውቂያ /“Modified votex multi crop thrasher’’

ይህ ቴክኖሎጂ የተለያዩ አዛዕርትን የሚወቃ ሲሆን በአማካኝ 200 ኪ.ግ-600 ኪ.ግ ስንዴ በሰአት ይወቃል፡፡ቴክኖሎጂውን በመነጣጠል በቀላሉ ከቦታ ቦታም ማንቀሳቀስ ይቻላል፡፡

አይ.ኤ.አር የተለያዩ አዛእርት መውቂያ “IAR multi crop- thresher “

በስምንት የፈረስ ጉልበት ሞተር ሀይ የሚንቀሳቀስ ሲሆን በቆሎ፤ስንዴ፣ጤፍ እና ገብስ ለመውቃት ያገለግላል፡፡

የኦቾሎኒ/ለውዝ ማንሻ እና የድንች መቆፈሪያ/ማውጫ

ይህ ቴክኖሎጂ በእንስሳት ሀይል የሚሳብ የድንች እና የኦቾሎኒ መሰብሰቢያ ሲሆን የማረሻ ክፍል በሆኑት ሞፈር እና እርፍ ጋር የተያያዘ ነው፡፡የቴክኖሎጂው አፈር ውስጥ የሚገባው ክፍል V ቅርጽ ምላጭ ያለው በመሆኑ ምርቱን ከአፈር በቀላሉ ለማላቀቅ ያስችላል፡፡

በስስ/ቀላል ብረት የተሰራጎተራ

በቀላሉ ከስስ ብረት ሊሰራ የሚችል ቴክኖሎጂ ሲሆን በቆሎ ለማከማቸት በጣም ወሳኝ ነው፡፡ይህ ቴክኖሎጂ ቦቆሎ ለ12 ወራት ምንም ሳይበላሽ እንዲከማች ያደርጋል፡፡ቴክኖሎጂው በ300 ኪ.ግ፣በ500 ኪ.ግ እና በ 1000 ኪ.ግ ይገኛል፡፡

የካሳቫ መከትከቻ መሳርያ

ይህ ቴክኖሎጂ አራት ባለምላጭ ካሳቫ የሚገባበት ቀዳዶች ያሉት በመሆኑ ካሳቫውን በቀላሉ እና በፍጥነት ይከተክተዋል፡፡ቴክኖሎጂው በሰው ጉልበት የሚንቀሳቀስ ሲሆን የተከተከተውንም ካሳቫ በቀላሉ መሰብሰብ ይቻላል፡፡የተከተከተውም ካሳቫ በቀላሉ ይደርቃል፡፡

ጤፍ በመስመር መዝሪያ ማሽን

ይህ ማሽን በአንድ ሰው እየተገፋ በአራት መስመር ጤፍ ይዘራል፡፡ማሽኑ በጥንድ እንስሳት ወይም በአንድ እንስሳ ሊሳብ እና እንዲሁም ደግሞ በሰው ጉልበት ሊጎተት ይችላል፡፡

ጤፍ በመስመር መዝሪያ ማሽን

ይህ ማሽን በመስመር ጤፍ ለመዝራት እና ማዳበሪያ ለማስቀመጥ ይረዳል፡፡ማሽኑ በጥንድ እንስሳት ወይም በአንድ እንስሳ ሊሳብ እና እንዲሁም ደግሞ በሰው ጉልበት ሊጎተት ይችላል፡፡

በመስመር ዘር መዝሪያ

ይህ በእንስሳት የሚሳብ የዘር መዝሪያ ከማረሻ ጋር የተያያዘ ሲሆን በከፊል አውቶማቲክ የሆነ በተወሰነ እርቀት ዘር መዝራት እና ማዳበሪያ መበተን ያስችላል፡፡ ይህ ቴክኖሎጂ እነደ ቦቆሎ፤ማሽላ እና ቦሎቄ የመሳሰሉ ዘሮችን ለመዝራት በጣም ውጤታማ ነው፡፡

ሰብ ሶይለር ’’sub-soiler’’

የተሻሻለ ማረሻ ሲሆን የእንጨት ድግሩ በጥንድ ሮድስ እና ቀለበቶች ተተክቷል፡፡ይህ ማረሻ ለረዥም ጊዜ በተመሳሳይ ጥልቀት ከመታረስ የሚመጣን የመሬት ድርቀት በመቀነስ ውሀ በቀላሉ ወደተክሉ ስር እንዲደርስ ያስችላል፡፡