Technologies Technologies

ጤፍ በመስመር መዝሪያ ማሽን

ይህ ማሽን በአንድ ሰው እየተገፋ በአራት መስመር ጤፍ ይዘራል፡፡ማሽኑ በጥንድ እንስሳት ወይም በአንድ እንስሳ ሊሳብ እና እንዲሁም ደግሞ በሰው ጉልበት ሊጎተት ይችላል፡፡

የካሳቫ መከትከቻ መሳርያ

ይህ ቴክኖሎጂ አራት ባለምላጭ ካሳቫ የሚገባበት ቀዳዶች ያሉት በመሆኑ ካሳቫውን በቀላሉ እና በፍጥነት ይከተክተዋል፡፡ቴክኖሎጂው በሰው ጉልበት የሚንቀሳቀስ ሲሆን የተከተከተውንም ካሳቫ በቀላሉ መሰብሰብ ይቻላል፡፡የተከተከተውም ካሳቫ በቀላሉ ይደርቃል፡፡

በአንድ ግዜ ሁለት እንጀራ የሚያወጣ ምጣድ

በአንድ ግዜ ሁለት እንጀራ ማውጣት የሚያስችለው ምጣድ ሲሆን በመጀመሪያ አንደኛው እንጀራ ሰፍቶ ከመጠጠ በኋላ በመገልበጥ ሌላ እንጀራ በማስፋት ሁለት እንጀራ በአንዴ ማውጣት ይስችላል፡፡

በስስ/ቀላል ብረት የተሰራጎተራ

በቀላሉ ከስስ ብረት ሊሰራ የሚችል ቴክኖሎጂ ሲሆን በቆሎ ለማከማቸት በጣም ወሳኝ ነው፡፡ይህ ቴክኖሎጂ ቦቆሎ ለ12 ወራት ምንም ሳይበላሽ እንዲከማች ያደርጋል፡፡ቴክኖሎጂው በ300 ኪ.ግ፣በ500 ኪ.ግ እና በ 1000 ኪ.ግ ይገኛል፡፡

የእርከን ማረሻ/plowshare

ከባህላዊ የእርከን ማረሻ የተለየ ከብረት የሚሰራ በግራና በቀኝ ያለውን መሬት በማረስ የእርሻ ድግግሞሽን የሚያስቀር መሳሪያ ነው::በተጨማሪም ውሃ ልክን ተከትሎ በማረሱ በሚፈጠሩ ስውር እርከኖች የዝናብ ውሃን በማስረግ የአፈር እርጥበትን ያሻሽላል::

አይባር ሁለገብ ቦይና መደብ ማውጫ/Aybar BBM

ከብረት የተሰራ የራሱ የብረት ዘንግ ድግር አንዲሁም ሁለት ክንፎች ያሉት ዘርፈ ብዙ ጥቅም የሚሰጥ መሣሪያ ነው:: ከነዚህም ጥቅሞች መካከል ኮትቻ አፈርን ማጠንፈፍ ፣የዝናብ ውሃን በማቆር የአፈር እርጥበትን ማሻሻል ፣ ዘር ማልበስ፣ ቦይ ማውጣት ይገኙበታል።

በርበሬ ማድረቂያ

ይህ መሳሪያ የኤሌክትሪክ ሀይል በመጠቀም በርበሬን በሚፈለገው የጥራት ደረጃ እና ፍጥነት በማድረቅ በቀላሉ እንዲልም ያደርጋል፡፡