መግለጫ

በዚህ ዳይሬክተሪ ስር የገቡ ቴክኖሎጂዎች በተቋሙ 2007 ዓ.ም ሀገር በቀል ቴክኖሎጂ የዳሰሳ ጥናት ወቅት የተሰበሰቡ ናቸው፡፡ የተሰበሰቡትም ከጥቃቅንና አነስተኛ ኢንተርፕራይዞች፣ ከቴ/ሙያ ት/ማ/ተቋማት እና ከግለሰብ የፈጠራ ባለሙያዎች ነው፡፡ ቴክኖሎጂዎቹም ቀድሞ የነበሩ ቴክኖሎጂዎች መሰረት በማድረግ ማሻሻያ የተደረገባቸውና ከውጪ እንዲሁም ሀገር ውሰጥ ከነበሩት የተቀዱ ናቸው፡፡ ዳይሬክተሪው በአጠቃላይ ቴክኖሎጂዎቹ የሚገኙበት አድራሻ፣ ስለ ቴክኖሎጂው አጠቃላይ መረጀና የቴክኖሎጂው ዘርፍ እንዲሁም ፎቶ ይዞል፡፡ የቴክኖሎጂዎቹ ዘርፍ የተቀመጠዉ ቴክኖሎጂዉ ከሚሰጠዉ አገልግሎት አንጻር ነዉ፡፡

Technologies Technologies

)በአነስተኛ ፈረስ ጉልበት የሚሰራ ትራክተር እና ተቀጣይ ጋሪ

ገለፃ፡-ይህ ትራክተር ከዘመናዊ ትራክተሮች አንፃር ሲታይ አነስተኛ ጉልበት እና ፍጥነት ያለው ቢሆንም በሁለገብነቱ እና በዋጋው ግን አነስተኛ ገቢ ላላቸው ገበሬዎች ተመራጭ ያደርገዋል፡፡ተቀጣይ ጋሪውም እስከ 10 ኩንታል የመጫን አቅም ያለው ነው፡፡

የኦቾሎኒ/ለውዝ ማንሻ እና የድንች መቆፈሪያ/ማውጫ

ይህ ቴክኖሎጂ በእንስሳት ሀይል የሚሳብ የድንች እና የኦቾሎኒ መሰብሰቢያ ሲሆን የማረሻ ክፍል በሆኑት ሞፈር እና እርፍ ጋር የተያያዘ ነው፡፡የቴክኖሎጂው አፈር ውስጥ የሚገባው ክፍል V ቅርጽ ምላጭ ያለው በመሆኑ ምርቱን ከአፈር በቀላሉ ለማላቀቅ ያስችላል፡፡

የመዓዛማ ቅጠሎች ዘይት ማዉጫ/ማመንጫ

ይህ መሣሪያ የተለያዩ ቅጠላ ቅጠሎችን በመጭመቅ ዘይት መስራት ያስችላል::

ሁለገብ የእህል መዝሪያ

ይህ መሣሪያ ብዛት ያላቸውን የእህል ዘሮች ለምሳሌ እንደ ሩዝ ስንዴ ገብስ ጤፍ ሰሊጥ በቆሎ ወ.ዘ.ተ ለመዝራት ይጠቅማል::

ሮፕ ዋሸር ፓምፕ

እስከ 30 ሜትር ድረስ ጥልቀት ካለው ጉድጋድ ውሃ ለማውጣት የሚያገለግል ከስላክ ወይም ኮንክሪት የተሰራ መሣሪያ ነው::

አይባር ሁለገብ ቦይና መደብ ማውጫ/Aybar BBM

ከብረት የተሰራ የራሱ የብረት ዘንግ ድግር አንዲሁም ሁለት ክንፎች ያሉት ዘርፈ ብዙ ጥቅም የሚሰጥ መሣሪያ ነው:: ከነዚህም ጥቅሞች መካከል ኮትቻ አፈርን ማጠንፈፍ ፣የዝናብ ውሃን በማቆር የአፈር እርጥበትን ማሻሻል ፣ ዘር ማልበስ፣ ቦይ ማውጣት ይገኙበታል።

የእርከን ማረሻ/plowshare

ከባህላዊ የእርከን ማረሻ የተለየ ከብረት የሚሰራ በግራና በቀኝ ያለውን መሬት በማረስ የእርሻ ድግግሞሽን የሚያስቀር መሳሪያ ነው::በተጨማሪም ውሃ ልክን ተከትሎ በማረሱ በሚፈጠሩ ስውር እርከኖች የዝናብ ውሃን በማስረግ የአፈር እርጥበትን ያሻሽላል::